لفت نظري داخل أسوار كليه الصيدلةبعد إن رفع والي ولاية الخرطوم الذي لم اعرف اسمه_أو بالأحرى_ لم انتبه له الأبعد إعلانات مرشحي الانتخابات التي نافست وبشده إعلانات شامبيون في احتلالها لمدي الرؤية عند كل سرحان وشايل لهموم الدنيا والذي يمد بصره كالعاده من خلال الزجاج في نظره لأمدي لها ولا مرمي ،،يتأمل في اللاشي؛ في سرحه لايقلق هدؤها الااعلان وضعه مصممه بكل _غتاته _ليسرق بال السرحان والماعندو موضوع ؛؛؛؛؛؛؛وعلي طريقه المسطول الذى سئل عن رائه في الانتخابات الحاليه فأجاب : "انا غايتو مابفهم في السياسه كتير بس من الوضع العام في الشارع السوداني كدا الفايز يا اما البشير او شامبيون_غايتو دا لاحقني جاي – حيث ان استفادتي كانت بعد معرفه والي الخرطوم ان عرفت الفرق اخيراوالحمد لله بين الوسيمان :طمبل والعجب(مع اعتذاري للمريخاب طبعا)بعد ان حفظت ملامح العجب عن ظهر قلب من اعلانات شامبيون (مرات السرحّان بفيد تصدقو)الدخلنا في الموضوع دا شنو اسي نحن____ اه اتذكرت______والي الخرطوم ؛ الذي شغلتني حسرتي علي قطع حباااااال سرحاني بالاعلانات علي الرصيف ونسيت ان اخبركم انه رفع شعار \\\\\ الخرطوم عاصمه جميله\\\\\معليش معليش نسيت برضو ان معظمكم عارفين الشعار دا(معليش سرحت بيكم)المهم نرجع لاسوار كليه الصيدلههذه الايام طلاب كليه الصيدله جامعه الخرطوم يسيرون علي خطي الوالي في جعل الخرطوم(الجامعه) جميله وخاليه من الملاريا- اسفه اقصد الاوساخ اصلو الشعارات كترت علينا والخرطوم فعلا خاليه من اي شي خلا الشعارات_ خاليه من الاوساخ_شكلو في الأحلام ،،ياربي تورينا غايتو_عوده الي اسوار الجامعهحقيقه فكره رائعه ،، ليست جديده علينا ؛لكنهامبتكره؛ من حيث طريقه العرض؛ جميله، من حيث التنفيذ ؛جمع فيها الطلاب علب_ النسكافيي والبارد_ليصنعوا بطريقه تخطف اعجاب الأنظار كلمه no moreوفي لوحه اخري يلبسها الابداع في محاوله ليست عاريه تماما من الابتكار حيث يضع مجموعه منهم بصمات اياديهم وتواقيع اسمائهم كتعبير كتابي او مجسد لرغبتهم حقا في جعل الكليه اكثر حضاره باعتبارهم اول المساهمين في ذلك حيث ان اللوحه تجبرك علي ان تتوقف ولو فضولا لتعرف لم وضعت هذه البصمات وما الذي ترمي اليه المعلبات الفارغه التي تاب الله عليها من الوطء باقدام الماره في ساحه الكليه فجمعت لتؤدي دورا تربويا(كبرنا علي قصه التربيه دي مفروض نحن في الجامعه_بس الحال بيقول غير كدا)او تعليميا بأنno000000o mo0000000000000000000000oreمن هذه الاوساخ علي ساحات الكليهيااااريت الناس تفهم بس وماتكونو تعبتو سايوأرجو ان تعمم الفكره علي باقي الكليات خصوصا الجاره طب بعيدا عن _المكاجره_الحادثه بين الجارتين طب وصيدله في الكافتريات والاستراحاتوعموما ياناس صيدله لو كنتم اولي ألباب لأقترحتم الفكره لتعمم علي الجاره _القاشاره_ طب فنصف الاوساح التي في ساحتكم لاناقه لكم في رميها ولاجمل فنحن وانتم ضحايا للتغير الذي ينشده كل من أصابه الملل من روتين الإنحصار والتجول في نفس الاماكن_علي العموم يعني أصلا ماف زول قاعد في جحرو وكافي غيرو شرو"أقصد اوساخو" بس نقول شنو مابنبقي براكم ومااااااااااااابتبقوا براناحاجه قبل اخيره بس هي خربانه من كبارها بي وين تنضف الخرطوم وبي وين تنضف الجامعه دا الكبير قبل الصغير بيرمي الحاجه اللي في يدو كبيره ولاصغيره كانت تحت رجلينو اذا ماشي وبشباك العربيه اذا راكبحاجه اخيره يعني ألا يقررو عقاب علي رمي الأوساخ في غير الاماكن المخصصه لها علشان الناس تبقي حضاريه؟؟؟؟صراحه عييييييييييبه ياالسودانيين تبقو علي راي المصريين ناس تخاف ماتختشيش _ماكفايه ورا كل كيس اوظرف كاتبينليكم_ حافظوا علي نظافه مدينتكم_ والله بعد كداالايحنسوكم تحنيس دا حتي اظن اذا اضافوا لينا عليكم الله حافظوا علي نضافه مدينتكم ماحنعبرهم اصلا
ليست هناك تعليقات:
إرسال تعليق